24. تير 1396 - 9:42   |   کد مطلب: 2495
بانوی شاعر و نویسنده اردبیلی شعر ترکی با نام " دنیا " سروده است.

به گزارش بانوی کوثر، پری آخته بانوی شاعر و نویسنده اردبیلی شعر ترکی با نام " دنیا " سروده است.

 

کیمه دنیا قالاجاقدیر

هامی گوللر سولاجاقدیر

هامی گؤزلر دولاجاقدیر

آنا باشین یولاجاقدیر

باجی آغلار اولاجاقدیر

                                                         آتا اوغلون آتاجاقدیر

                                                           گون چیخارکن باتاجاقدیر

                                                           آییغ انسان یاتاجاقدیر

                                                           بیلمک اولماز بو قماردا

                                                           اوتوزوب یا اوتاجاقدیر

اَله گلمیش چیخاجاقدیر

سنی بیردن ییخاجاقدیر

یارییا اوخ سوخاجاقدیر

بوتون انسانلارا دونیا

قفس اولموش سیخاجاقدیر

                                                              منه اوندان نه قالیبدیر

                                                              هر نه وئرمیشدی آلیبدیر

                                                              گور نه رنگیم سارالیبدیر

                                                                تقصیریم سئومک اولوبکن

                                                               منی زندانه سالیبدیر

یازیغ انسان-یازیغ انسان

أورگیمدور سنه حیران

وئریلیب قتلووه فرمان

ال ایاق چالما چالیشما

هانی او گنج سلیمان

                                                            گؤزلیم گؤز دولی قاندیر

                                                             اورگین سرّی نهاندیر

                                                             منی گلسون گل اویاندیر

                                                             هامی دونیا منی آتسا

                                                            منی سن آتما آماندیر

هامونون بورنون اوواندیر

پیسی یاخشیله قاتاندیر

دیشی هر قوردا باتاندیر

ولی هر کیمسه چالیشسا

داخی مقصودا چاتاندیر

                                                    چوخلارین جانین آلیبدیر

                                                  چوخلاری درده سالیبدیر

                                                 چوخی گئتمیش او قالیبدیر

                                                 بیر ایلاندر زَهر یلن

                                                 نئچه مین شاهی چالیبدیر

قاچاقون یوخدی چالیشما

داخی ناحقله قاریشما

قیزاران کؤزله آلیشما

آلاجاق هر نه وئریبسه

بئله دونیانی یاپیشما

                                        آلیشبدر یِئنه کُوزلر

                                         دیله گلمز داها سؤزلر

                                         دئییرم آی قارا گؤزلر

                                        (نرگس)کونلوم قالا بیلمز

                                        گئجه گوندوز سیزی گوزلر.

 

                                                      پری آخته (نرگس)

انتهای پیام/

 

 

دیدگاه شما

آخرین اخبار